1 Samuel 19
Saul in David Thah Sawm
1Saul in a tapa Jonathan le amah a cingte khempeuh kiangah David thah ding a gen hi. Ahi hangin Jonathan in David it mahmah a, 2“Ka pa Saul in nang thah nading hun hoih a zong hi. Zing ciang zingsangin kigalgingsa-in om inla mun khatah pai-in tua lai-ah va bu in. 3Ka pa tawh hong paikhia-in na omna mun lopaang ah ka ding khawm ding uh hi. Ama kiangah nang thu ka gen dinga, ka muhna bang nang tungah kong gen ding hi,” ci-in a hilhkhol hi. a 4 Jonathan in a pa Saul kiangah David a hoih theithei in gena, “Na nasempa David tungah khial kei in; amah nang tungah hong khial lo a; a sepsate nang metna lianpi ahi hi. 5Philistia-pa a thah lai-in ama nuntakna a kham hi. Israel khempeuh adingin nakpi in TOPA gualzo-a, nang zong mu in na lungdam hi. Tua hi napi David banga mawhpeng mi khat thahna tawh a thu om lopi-in khial ding na hi hiam?” a ci hi. b 6 Saul in Jonathan thu ngai-a: “TOPA nuntakna-in ka kiciam hi; David a kithat kei ding hi,” ci-in a kiciam hi. 7 Tua ciangin Jonathan in David sama a kihona khempeuh uh a gen hi. Amah in Saul kiangah paipih-a, a om ngei bangun Saul le David a om uh hi. 8 Khatvei gal kido leuleu a, Philistia-te do dingin David a kuankhia hi. Amah in khauhtakin vat-a amaute a mai-ah a taikek uh hi. 9 Ahi hangin Saul a inn sungah teipi tawisa-in a tut laitakin ama tungah TOPA kiang pana kha gilo ▼▼19.9 Ahikeh a liamsakte
a tung hi. David in harp a tumtum laitakin, 10Saul in a teipi-in David kawm tawh khawhcip sawma, ahi hangin amah na kihem mana Saul in kawm a khawh hi. Tua zanin David hoihtakin a suakta hi. 11 Saul in David inn encik ding le a zingsang ciangin amah a that ding mi a sawl hi. Ahi hangin David zi Michal in, “Tu zanin na taikhiat kei leh zing ciangin hong kithat ding hi,” ci-in a vauhilh hi. 12Tua ciangin Michal in tawhlet ah David tuaksaka tai-in a suakta hi. 13Tua ciangin Michal in milim ▼▼19.13 Hebrew ah teraphim; tg. 16 ah zong
khat la-in a lupna tungah koih-a, puan silhsakin a lutung ah keelmul pawlkhat a koih hi. e 14 Saul in David man dingin mi a sawl ciangin Michal in, “A ci na hi,” a ci hi. f 15 Tua ciangin Saul in tua mite sawl kik-a amaute kiangah, “Kei kiangah a lupna tawh hong puak un, ka that ding hi,” ci-in a gen hi. 16Ahi hangin mite a sungah a lut uh ciangin lupna ah milim khat om-a a lutungah keelmul a om hi. 17 Saul in Michal kiangah, “Bang hangin hih bangin kei hong khema ka galpa a suahtak nadingin paikhiasak na hi hiam?” a ci hi. Michal in, “Amah’n ‘Hong paikhiasak in. Bang hangin nang hong that ding ka hi hiam?’ hong ci hi,” a ci hi. 18 David tai-a a suahtak khit ciangin Ramah a Samuel kiang tuh a, Saul in amah a bawlna khempeuh a ko hi. Tua ciangin amah le Samuel Naioth ah pai-in a teng uh hi. 19Saul tungah thu tunga, “Ramah a Naioth ah David om hi,” kici hi; 20tua ciangin amah man dingin mi a sawl hi. Ahi hangin Samuel in makaih a kamsang pawlkhat in kam a san uh a muh uh ciangin Saul mite tungah Pasian Kha tungin amaute in zong kam a sang uh hi. 21Tua thu Saul tungah kiko a, amah in mi a sawlbeh hi; amaute in zong kam a sang uh hi. Saul in a thumveina mi sawla amaute in zong kam a sang veve uh hi. 22A tawpna ciangin amahmah Ramah ah pai-a, Secu a tuibempi-ah a tung hi. Tuateh, “Samuel le David-te koi-ah om hiam?” ci-in a dong hi. g Amaute in, “Ramah a Naioth ah a tung uh hi,” a ci uh hi. 23 Tua ciangin Ramah a Naioth ah Saul a pai hi. Ahi hangin ama tung nangawn ah Pasian Kha a tun dong lampi ah kam a sang kawmkawm hi. 24A kumpi puante suahkhia-a Samuel om in zong kam a sang lai hi. Amah tua sun le tua zan tuaci-in a lum hi. Hih thu hangin mite in, “Kamsangte lakah Saul zong kihel ahi hiam?” a ci uh hi. h
Copyright information for
ZomZIV